Politique

Partagé sur :
• facebook

Vita izay ny fankalazana ny fetim-pirenena malagasy izay somary nampiato kely ny fihazakazaky ny toe-draharaha politika eto Madagasikara fa miverina amin’ny andavanandro indray ankehitriny.

 Raha  tsy misy ny  fiovana amin’ny ora farany dia rahampitso no hihaona amin’ny toerana voafidy ny Filoham-pirenena  malagasy Hery Rajaonarimampianina sy ireo solombavambahoaka  saika  hanala azy tamin’ny toerany. Efa in-telo no nihemotra ity fihaonana ity ka asa raha ho vanona ihany. Ny  momba ny fiaraha-mitantana ny firenena sy ny  fitadiavana  marimaritra  iraisana amin’ny fampandriana fahalemana ny  tany sy ny  tontolo  politika no  tanjona ka ho hita eo. Atoa  Manandafy Rakotonirina, filohan’ny  antoko Mfm  dia efa  nanambara  fa ho  sarotra ny  miandry ny Filoha ankehitriny amin’io tsy  fananany   Solombavambahoaka voafidy tamin’ny lokon’ny antokony io. Nandritra ny  fitokanana  ny toeram-pitsaboana  vaovao  sy ny  trano fonenan’ny mpiasam-panjakana teny  Anosiala Ambohidratrimo   ny alarobia 24 jona  teo anefa dia mbola  nanambara ny Filoha  Hery Rajaonarimampianina  fa izy no tokony hanendry ny praiminisitra. Fepetra tsy maintsy   arahina izany, hoy ny Filoha  mba hahitana fitoniana   politika ary nambarany  fa sarotiny amin’izany ny tenany. Aiza ho  aiza amin’izany ny tena hevitr’ilay  andininy faha-54  amin’ny lalàmpanorenana ? Very an-javony koa ve izany ilay fikasana hanao praiminisitra an’ilay  Solombavambahoaka avy any amin’ny  faritany atsimotsimo iny ? Ho sarotra ihany ny hino  fa hisy lalànany ity  « Pacte de responsabilité »  takian’ny  fitsarana avo momba ny lalàmpanorenana ity.

Andry Ratovo       

Tia Tanindrazana

Samia mijoro ho an'i Gasikara.