Politique

Fihaonambem-paritry ny HVM Ny Faritra Vakinankaratra no ampiasaina hitady vola

Politique
Alarobia 11 Martsa 2015

Mitady vola 23 tapitrisa Ariary mahery ny antoko HVM (Hery Vaovao ho an�i Madagasikara) hoentiny manana ny fanatanterahana fihaonambem-paritra (Assise r�gionale) ao Antsirabe ny amin�ny 15 martsa ho avy izao. Nisy taratasy voasonian�ny lehiben�ny Faritra Vakinankaratra, tamin�ny datin�ny 5 martsa 2015

izay misy mari-pamantarana ny Faritra sy nampiasana fitombokasem-panjakana naparitaka tamina orinasa miisa 18 ao Vakinankaratra, milazalaza sy mampahafantatra ny fandaniana amin’izany fihaonam-be izany sy miantso ny fandraisaisan’anjaran’ireo orinasa ireo. Nanaitra ny fahitana io taratasy io, satria porofo mitohoka amin’ny tenda fa atao fitaovana politika ny fitantanandraharaham-panjakana, izay miendrika fanararaotam-pahefana rahateo. Aiza ilay fahaiza-mitantana dradraina sy nanaovana teny avo tamin’ireo lehiben’ny Faritra sy administratera sivily vao tsy nisy iray volana akory izay ? Tsy resahina intsony ny fanerena an-kolaka ny mpandraharaha hanome vola na fitaovana hoenti-manana io fihaonambem-paritry ny HVM io. Vao fihaonambem-paritry ny antoko eo amin’ny fitondrana aza dia efa izao no fisehony, mainka fa raikitra eo ny fifidianana Ben’ny tanàna sy mpanolotsaina tsy ho raharaha eto !

Jean D.