Politique

Fifidianana filoham-pirenena Mirary fifidianana milamina ny Amerikanina

Politique
Sabotsy 01 Desambra 2018

Anisan`ireo nanao fanambarana ny andron`ny famoahan`ny Fitsarana avo momba ny lalàmpanorenana ny voka-pifidianana ofisialy ny alarobia lasa teo ny firenena Amerikanina.

Tonga nitsidika ny praiminisitra lehiben`ny governemanta, Ntsay Christian, ny delegasionina Amerikanina izay tarihan`i Stuart Wilson. Nanambara ity mpiraki-draharahan’ny masoivoho Amerikanina ity fa nahafa-po azy ny fizotr’izany tao anatin’ny filaminana tanteraka, ary porofon’ny fandalàn’ny Malagasy ny demokrasia ihany koa. Mirary hatrany ny firenena amerikanina ny hizoran’ny fihodinana faharoa amim-pilaminana. Ankoatra izay, noresahina nandritra ny fihaonana, ny mikasika ny ady atao amin’ny fanandevozana amin’ny endriny vaovao, izay manan-danja lehibe ho an’ny firenena roa tonta ka nisy ny fanaovana jery todika ny toe-java-misy eto Madagasikara, ary antenaina ny hitohizan’ny ezaka rehetra efa natao. Noraisin’ny praiminisitra Ntsay Christian, omaly ny delegasiona amerikanina ary fotoana ihany koa nampahafantarana ny tale vaovao eo anivon’ny USAID, Andriamatoa John Dunlop.

Marigny A