Politique

Fifanolanan�ireo andrim-panjakana roa Fandaniam-bolam-bahoaka hafa indray ?

Politique
Alatsinainy 08 Jona 2015

Mitohy hatrany ny fandroritana ny raharaha mampifanolana ireo andrim-panjakana roa mpanao lal�na sy mpanatanteraka na dia efa eo am-pelatanan�ny Fitsarana Avo momba ny Lal�mpanorenana aza ny taratasy fiampangan�ireo

solombavambahoak’i Madagasikara ny filohan’ny Repoblika ho manitsakitsaka ny Lalàna fototra sy ny dosie fiarovan-tenan’ity farany. Tanjon’ireo mpifanandrina amin’izany ny samy miezaka manamarin-tena eo anatrehan’ny fiarahamonina. Fitaovana ampiasain’ny an-daniny sy ny an-kilany ny fahaizana mikirakira vaovao handresen-dahatra ny mpiara-belona. Eo ihany ny fampitenenana ireo vondrona na sokajin’olona mpikaramanady mitonona ho mpanohana ny Fiadidiana ny Repoblika na koa ny Antenimieram-pirenena. Izao indray dia samy manana ny mpisolovava azy ireo ireto andrim-panjakana roa ireto. Ny zava-misy tsy azo lavina anefa dia vola avokoa no mihodina ao ambadik’io disadisa mampifanolana ireo sokajin’olom-boafidim-bahoaka ankehitriny io. “Dia aiza ho aiza amin’izay izany ilay hoe fiarovana ny tombontsoan’ny Malagasy 22 tapitrisa izay toa lasa litania fotsiny ?”, hoy ny resaka heno eny anivon’ny fiarahamonina.

Ramano F.