Politique

Fifanolanan�ireo andrim-panjakana Hampitarazoka indray ny fanarenana an�i Madagasikara

Politique
Alatsinainy 15 Jona 2015

Mampanahy ny fizotran�ny toe-draharaham-pirenena ankehitriny izay hisian�ny fifanolanana eo amin�ireo andrim-panjakana roa samy voafidim-bahoaka dia ny Fiadidiana ny Repoblika sy ny Antenimieram-pirenena.

Ho very maina avokoa ireo ezaka nisasaran’ny fitondram-panjakana tao anatin’ny herintaona mahery raha mitohy izao trangan-javatra mampalahelo sy mahamenatra eto amin’ny firenena izao, hoy ny minisitry ny Raharaham-bahiny Atallah Béatrice. Manan-danja ho an’ny firenena Malagasy anefa ity volana jona 2015 ity. Tokony hivoaka amin’ity volana faha-6 ity mantsy ireo bolongam-bola fanampiana avy amin’ireo mpiara-miombon’antoka iraisam-pirenena ho fanarenana an’i Madagasikara. Fepetra fototra takian’ny fianakaviambe iraisam-pirenena ahafahana misitraka ireo fanampiana avy amin’izy ireo moa ny fanjakan’ny filaminana sy ny fitoniana ara-politika eto Madagasikara. Maro ihany koa ireo fivoriana iraisam-pirenena tsy azon’ny firenena Malagasy ialana toy ny fihaonana tampon’i Frankofonia hampiantranoantsika amin’ny volana novambra 2016. Hampitarazoka indray ny fanarenana an’i Madagasikara ny fambolena korontana amin’izao vanim-potoana izao raha tsy voalamina haingana, araka ny fanazavan-dramatoa lehiben’ny diplaomasia Malagasy.

Nangonin-dRamano F.