Politique

Partagé sur :
• facebook

Handefa mpanara-maso eto Madagasikara mandritra ny fifidianana ben’ny tanàna ny fanjakana amerikanina. Io no nambaran’Atoa Robert yamate, masoivoho amerikanina eto amintsika nandritra ny fitsidihany ny praiminisitra Jean Ravelonarivo teny amin’ny lapan’i Mahazoarivo ny alarobia lasa teo

. Mitovy fijery  amin’ny fanjakana malagasy ny  governemanta amerikanina, hoy ity masoivoho ity ary manohana ny fanatanterahana ny fifidianana sy ny  fametrahana ny andrim-panjakana rehetra. Nanditra io fotoana io ihany koa  no niresahan’ny roa tonta ny fampivelarana ny ambaindain’ny  fiaraha-miasa  ka  ankoatra ny vola 1,5 tapitrisa  dolara amerikanina entina  hanampiana ny  famonoana ny valala dia nambaran’ny praiminisitra  ihany koa fa mahatratra 75 tapitrisa dolara amerikanina no totalin’ny fanampiana omen’ny  fanjakana amerikanina  ka voakasik’izany ny fikojakojana ny tontolo iainana  izay nanokanana 2,5 tapitrisa dolara amerikanina. Mbola tarehim-bola mitovy amin’izay ihany koa no hatokana  amin’ny fanentanana amin’ny fahadiovana eny ambanivohitra. Ny  ambin’ny vola kosa dia hatontona  manontolo  amin’ny fampiroboroboana ny fampianarana sy ny fahasalamana. Mba  ho fanatsarana ny   tontolon’ny  fampidiran-ketra dia fantatra ihany koa fa misy tetikasa izay iarahan’ny fanjakana amerikanina  amin’ny fanofanana ireo mpiasan’ny hetra ka manampahaizana frantsay no hampiofana amin’izany amin’ny taona 2016.

Andry Ratovo  

Tia Tanindrazana

Samia mijoro ho an'i Gasikara.