Politique

Fanesorana ny lehiben�ny Faritra Boeny Tsy eken�ireo fikambanan�ny tanora ao Mahajanga

Politique
Talata 03 Martsa 2015

Niteraka fahatezerana tamin�ireo fikambana maro samihafa tao Mahajanga ny resaka miely fa mety hoesorina eo amin�ny toerany ny lehiben�ny faritra Boeny Said Ahmad Jaffar. Raha ny fanazavana azo avy amin�ireo

fikambanan’ny tanora ireo dia tsy fantatra mazava izay tena antony hanesorana ity tompon’andraikitra voalohany ao Boeny ity fa ny hany mazava fotsiny dia misy ambadika politika ny raharaha fanesorana azy io. Hiteraka fikorontanana ao an-toerana ity resaka mandalo ity raha tena mihatra tokoa hoy hatrany ireto tanora ireto satria dia matetika rehefa zanak’i Mahajanga no mandray ny fitantanana ny firenena dia misy mamingana hatrany. Raha tsiahivina dia isan’ireo mpitondra fanjakana izay nampandroso ny faritra Boeny i Said Ahmad nandritra ny fitantanany ny tanàna tao anatin’ny heritaona, porofo izany ny fanatsarana ny tanàna sy ny ezaka famahana ny olan’ny oniversite Mahajanga ary ny tena zava-dehibe dia ny famerenenana ny toe-karen’ ny faritra izay hita fa nikoroso fahana izany tao anatin’ny taona maro. Tsy ireo tanora ao Mahajanga ihany anefa no mitsipaka io fanapahan-kevitra io fa ny ankamaroan’ireo vahoaka ao an-toerana koa dia manda mafy izany fanesorana an’i Said Ahmad Jaffar izany. Ho hita eo ny tohiny ny tantara.

Tolin