Politique

Fandrarana ny fanotofana tany Tsy te hiara-kiasa amin�ny CUA ny Polisy ?

Politique
Alatsinainy 12 Oktobra 2015

Namoaka didim-pitondrana Monisipaly laharana 001- CUA /CAB- 15 ny Ben�ny tan�nan�Antananarivo Lalao Ravalomanana ny alarobia 7 oktobra 2015 mampihantona ny asa fanotofana sy fanalana tany ary fitaterana tany nesorina na tany hanotofana eto amin�ny fiadidina ny tan�nan�Antananarivo Renivohitra.

Ny zava-misy dia mbola ahitana sy andrenesana tranga fanotofana tany amin’ny toerana samihafa eto an-drenivohitra toy ny teny Soavimasoandro, ny antoandron’ny sabotsy 10 oktobra teo. Misy fiarabe mitatitra ranontany tsy amin’ahiahy. Tetsy amin’ny «boulevard de l’Europe» aza moa mitazam-potsiny ny polisy nefa kamiao mitaona tany izao no sakanany. Tsy te hiara-kiasa sa misy manao lava tanana ? Tsy mora ny asa miandry ny Ben’ny tanàna, hamerenana ny fanarahan-dalàna sy hanadiovana ny gaboraraka navelan’ny tetezamita teto an-drenivohitra.