Politique

Fanatsarana ny politikan�ny fananan-tany Hanome tanana ny fanjakana ny International Land Coalition

Politique
Talata 07 Oktobra 2014

Ho fanatsarana ny politikan�ny fananan-tany eto amintsika dia hampiantrano ilay fikaonan-doha lehibe �Africa Land Forum� isika manomboka rahampitso talata 07 oktobra, haharitra roa andro. Eny amin�ny Ibis Ankorondrano no hanatanterahana izany, hiarahana amin�ny

International Land Coalition, ivondronan’ny SIF na ny Sehatra Iombonan’ny Fananan-tany, ny Federasionan’ny Vehivavy Tantsaha eto Madagasikara, ny ONG Fiantso Madagasikara ary ny Coalition Paysanne de Madagascar. Lohahevitra hovoaboasana mandritra izany ny hoe : fanavaozana ny fananan-tany, hery ho amin’ny fandrafetana ireo drafitra momba ny fanatsarana ny politikan’ny fananan-tany aty Afrika. Anisan’ny andrasana amin’izany ny fahafahana manome tanana sy manampy ny fanjakana amin’ny fanavaozana ny fananan-tany eto amintsika izay efa am-periny tanteraka amin’izao fotoana, ny fifanakalozana traikefa eo amin’ireo mpandray anjara mba hampanan-karena hevitra antsika, ka hahatongavana amin’ny tanjona tiana hokendrena. Anisan’ny andrasana ho avy handray anjara amin’ity fikaonan-doha lehibe ity ireo fiarahamonim-pirenena rehetra misy eto amintsika, hahafahana manafoana ny resaka ady tany etsy sy eroa izay vao mainka mahazo vahana.