Politique

Fanaterana dosie eny amin�ny OVEC Hararaotin�ny sasany hitadiavam-bola

Politique
Talata 05 Mey 2015

Miseho sahady ny kolikoly sy ny fanararaotana ireo kandida mpilatsaka hofidiana ho ben�ny tan�na sy mpanolotsaina avy any ambanivohitra. Misy amin�ireo biraon�ny OVEC amin�ny distrika iray eto amin�ny faritra Analamanga no manao an-tery ireo kandida izay avy any ambanivohitra manodidina an�Antananarivo ka mivarotra amin�izy ireo ny antontan-taratasy izay hofenoina amin�ny filatsahan-kofidiana.

Amidin’izy ireo 26 000 ariary ireo dika mitovin’ny antontan-taratasy ilaina ka maro no sahirana fa tratran’ny tsy nampoizina. Misy aza efa mba mitondra ny taratasiny ihany fa rehefa tonga ao amin’ity OVEC iray ity dia lazain’ny tompon’andraikitra ao fa kely loatra ny refin’ny soratra amin’ilay antontan-taratasin’ilay kandida ka tokony hosoloina amin’ilay amidiny ao dia manaiky noho ny tahotra na noho ny tsy fahalalana ireo kandida.

Andry Ratovo