Politique

Fanaratsiana amin`ny facebook “Misy andraikitra azo raisina”, hoy Imbiki Herilaza

Politique
Alarobia 26 Septambra 2018

Hitantsika fa tena miroborobo be ny fifanenjehana sy fifanaratsiana ny mirotsaka hofidiana hita eny amin`ny tambajotran-tserasera, ny facebook moa no tena ahitana izany eto Madagasikara.

Misy zavatra marina saingy misy koa noforonina. Ny lalàna mifehy ny fifidianana anefa milaza fa ny fanenjehana mahakasika ny mpilatsaka hofidiana dia manao fanaratsiana sy fanalotoana. Ny lalàna momba ny “cybercriminalitè” tamin`ny taona 2016, milaza fa ny fanenjehana ny heloka atao eny amin`ny tambajotran-tserasera dia voarara satria misy fanamelohana, sazy (lamandy), fanagadrana… hoy i Imbiki Herilaza, mpahay lalàna. Ahiana hisy fiantraikany any amin`ny safidim-bahoaka izy io. Misy kosa anefa ny fepetra azo raisina, hoy ity mpitsara ity. Voalohany, ny mpikarakara fifidianana. indrindra ny CENI Madagascar dia tokony hiezaka hanentana ny olona mampahafantatra fa voaheloky ny lalàna ireny. Ny fampanoavana ihany koa dia tokony handray fepetra satria izy ireo no tomponandraikitra voalohany amin`ny filaminam-bahoaka amin`ireo sehatra ireo. Efa mandray fepetra ny fampanoavana isaky ny toerana misy ny fitsarana. Farany, any amin`ny fanjakana, izay mifehy ny tambajotran-tserasera indrindra ny minisitera dia tokony handray fepetra satria misy olona fantatra manao an`ireny, misy koa ny haino aman-jery manao an`izay.

Marigny A.