Politique

Fanaraha-maso ny fifidianana Tonga koa ny SADC

Politique
Talata 30 Oktobra 2018

Nampafahafantarin`ny Vaomieram-pirenena mahaleotena misahana ny fifidianana (CENI) tamin’ny besinimaro ireo mpanara-maso ny fifidianana avy amin`ny vondrona SADC,

tetsy Antaninarenina omaly alatsinainy 29 oktobra. Nisy ny fifanaovan-tsonia nifandraika tamin`izay, teo amin`ny solontenan`ny Vondrona Afrikanina sy ny CENI Madagascar. Taorian’ìzay, nanao antso avo ny solontenan`ny Vondrona Afrikanina ny amin’ny tokony hirosoana amin`ny fifidianana. Nitondra ny tenin`ny SADC Atoa Hon Malanji, lehiben`ny delegasion’ny fanaraha-maso amin`ny fifidianana, izay nilaza fa ny andraikiny dia ny hahazoana antoka fa hifanaraka amin'ny fari-pifidianan'ny SADC ny fizotry ny fifidianana, ny fampielezan-kevitra politika, ny fanisana vato ary ny voka-pifidianana. Nilaza izy fa ny SADC dia nifidy ireo faritany 10 sy faritra be mponina indrindra amin'ireo faritra 22 eto Madagasikara. Nanampy izy fa tokony handinika ny fifidianana manaraka ny torolalana eo anivon`ny SADC amin'ny fifidianana demokratika ka ny iraka dia mba hanampy amin'ny fanamafisana ny drafitra demokratika sy ny rafitra firenena eto Madagasikara. Nomarihany fa ny 9 novambra ho avy izao dia hisy ny tatitra momba ny toetry ny fifidianana ataon`ny SADC. Notsipihany fa noho ny tsy faneken'ny lalàmpanorenana Malagasy, ny filoham-pirenena ankehitriny, Hery Raojanarimampianina, dia niala 90 andro talohan'ny fifidianana. Voalaza ao amin'ny lalàna eto Madagasikara fa "Ho an'ny filoha iray ao amin'ny birao hiasa mandritra ny fe-potoam-piasana faharoa dia tsy maintsy mametra-pialana izy na manala ny filoham-pirenena. Amin'io dingana io ihany dia misy iray voafidy amin'ny fe-potoana iray hafa.” Raha mampitaha amin`ireo firenena afrikanina hafa, ny vondrona afrikanina dia miavaka i Madagasikara ao anatin`ny fandaminana sy ny fikarakarana fifidianana, na dia misy aza ny lesoka, hoy ny nambaran`ny solontenan`ny Vondrona Afrikanina. Fiaraha-miasa amin`ny Vondrona Afrikanina no nahatonga an`izao fiaraha-miasa izao, hoy hatrany ny fanazavana.

Marigny A. sy J. Mirija