Politique

Fanakantsakanana an-dRavalomanana Fampihavanam-pirenena fihatsarambelatsihy

Politique
Alakamisy 23 Aprily 2015

Matoam-baovao eto amintsika ankehitriny ny fampihavanam-pirenena tarihin�ny FFKM izay natomboka tamin�ireo filoham-panjakana 5 mirahalahy. Mandringa ihany anefa ny fizotrany satria tsy voahaja ny zon�olombelona eto Madagasikara.

Tranga iray mampiseho izany ny tsy fahafahan’ny filoha teo aloha Ravalomanana Marc mifampikasoka mivantana amin’ny olona sy maneho hevitra ampahibemaso momba ny raharaham-pirenena. « Lasa fahotana ve izany ny milaza ny zava-misy sy miaro ny mpiray tanindrazana manoloana ny tsy rariny mianjady amin’ny vahoaka Malagasy ? », hoy Rakotomamonjy Phillipe, mpikambana ao amin’ny Tiako I Madagasikara. Tsy mijanona amin’ny fanampenam-bava fotsiny ny mpitondra fanjakana fa mampiasa mpitandro filaminana mihitsy. Vokatra inona moa izany no andrasana amin’ny fampihavanam-pirenena fihatsarambelatsihy raha tsy mahazo miteny sy mandroso vahaolana, ohatra, ny filoham-pirenena iray teo aloha, hoy ity mpanao politika ity.

Ramano F.