Politique

Fampihavanam-pirenena Tsy olana ny fidiran’ny vahiny, hoy ny CRN

Politique
Talata 15 Mey 2018

Isika tsy nanaja ny sonia natao sy ny teny nomena no olana tsy mahatontosa ny fampihavanana sy ny fivoahana amin’ny krizy hatramin’izao, hoy ny filohan’ny komitin’ny fampihavanam-pirenena na CRN, Tabera Randriamanantsoa.

Avereno aloha ny toe-tsaina malagasy manaja ny teny nomeny. Tsy olana ny fidiran’ny vahiny hiara-kandamina eto satria isika samy isika aza tsy mahay mifandamina. Lasa fifampihantsiana foana no misy. Tsy misy vahaolana afa-tsy ny fifampiresahana. Ny vahaolana maharitra dia ny fiaraha-mitady fifanarahana azo atao hitondrana ny fiarahamonina eto. Na ny repoblika ary eto aza tsy mbola ifanarahana. Tena 26 jona tokoa ve no tokony ho fetim-pirenena ? Tsy mbola tafatsangana ny firenena Malagasy (Nation) fa tanin’ny Malagasy no misy hatreto (pays). Raha mankany amin’ny faritra ny avy eto afovoan-tany dia vahiny no hiantsoana azy. Toy izany koa ny avy any raha mankaty. Fananganana firenena mihitsy no ilaina eto fa tsy mbola misy fanorenana azo atao akory.

J. Mirija