Politique

Fampihavanam-pirenena Tokony hisokatra amin�ny lafiny ara-toekarena

Politique
Zoma 27 Febroary 2015

Sokajin�olona maro toy ireo mpanao politika, mpitondra fivavahana, mpandraharaha, mpanoratra, mpanao gazety, tanora mpitarika no vahinin�ny

Donak’Afon’ny TAnora mpiofana ho mpitarika avy amin’ny «Youth Leadership Training program» teny Anosy omaly. Niara-niaiky ny rehetra fa lalana tsy maintsy izorana ny fampihavanam-pirenena mba ahatongavana amin’ny tena fampandrosoana maharitra, indrindra ny sehatra ara-toekarena. Tsy nisy nitsipaka rahateo fa dingana lavitr’ezaka ny fanatontosana ny tena fampihavanam-pirenena. Voatanisan’ireo mpandray anjara tamin’ny adihevitra ihany koa ny 4F novoizin’ny FFKM ny handresen-dahatra ny Malagasy tsivakivolo. Fanontaniana saro-baliana niverimberina tao anatin’ny dinika kosa ny maha tena firenena iray tokoa an’i Madagasikara. Tsikaritra ho mionona amin’ny famahana ny lafiny ara-politika ranoray fotsiny mantsy hatreto ny fizotran’ny fampihavanam-pirenena Malagasy izay lesoka teo amin’ny tantaram-pirenena afrikanina tatsimo. Antony indrindra nisafidianan’ireo tanora YLTPianina ny lohahevitra «Fampihavanam-pirenena, fototry ny fampandrosoana ny seha-pihariana».

Ramano F.