Politique

Fampihavanam-pirenena Hiditra an-tsehatra indray ny SADC

Politique
Talata 03 Martsa 2015

Miditra amin�ny dingana fakan-kevitra eny anivon�ny faritra manomboka amin�ity herinandro ity ny fampihavanam-pirenena tarihin�ny Fiombonan�ny Fiangonana Kristianina eto Madagasikara

. Telo andro no faharetan’izany manerana ireo faritra 22 eto Madagasikara izay hotanterahana ny alakamisy 5 hatramin’ny sabotsy 7 martsa 2015 izao. Efa mipetrapetraka avokoa ny fandaminana rehetra afa-tsy ny any amin’ny faritra Anosy, araka ny fanazavan’ny mpikambana iray avy amin’ny komity mpikarakara. Singa iray ao anatin’ny fampihavanana ihany ny resaka politika toy ireo sehatra hafa eo anivon’ny fiarahamonina, hoy ny fanamarihan’ity tompon’andraikitra iray ity. Hifanampy amin’ny FFKM amin’ny fanatontosana ny fampihavanana eo amin’ny samy Malagasy moa ny vondrona iraisam-pirenena na tsy mbola voafaritra mazava aloha hatreto ny andraikitra horaisiny. Ho avy eto Madagasikara amin’io herinandro ambony io rahateo ny iraky ny fianakaviambe iraisam-pirenena hotarihan’ny SADC ka amin’izay isika miara-mahita azy.

Nangonin-dRamano F.