Politique

Fampielezan-kevitra mialoha ny fotoana Nahazo fampitandremana i Harilala Madavision

Politique
Zoma 29 Mey 2015

Nampanantsoin'ny CENIT hiseho teny amin'ny foiben-toerany eny Alarobia omaly i Harilala Ramanantsoa, kandidan'ny fikambanana Madavision amin'ny fifidianana Ben'ny tan�na eto Antananarivo Renivohitra, hatao amin'ny 31 jolay 2015. Nahazo

fampitandremana ity kandida ity taorian'ny fizarany "carte de visite" misy ny anarany sy milaza ny maha kandida Ben'ny tanàna azy arahina teny faneva na "slogan" izay heverin'ny CENIT fa manana endrika fampielezan-kevitra. Nozaraina nandritra ny hetsika ara-barotra "la grande braderie de Madagascar" ny ankamaroan'ny "carte de visite" io. Mbola teny amin'ny fametrahana antontan-taratasy firotsahan-kofidiana ity kandida ity no nanana olana noho ny fampiasany mari-pamantarana ny orinasa Madavision tamin'ny antontan-taratasiny. Nasain'ny OVEC novaina ilay mari-pamantarana satria voararan'ny lalàm-pifidianana ny fampiasana ny an'ny orinasa. Mitarika any amin'ny fanilihana an-daharana tsy ho anisan'ny kandida ny tsy fanajana izany. Araka ny nambaran'ny avy eo anivon'ny CENIT dia mbola misy kandida hafa hampanantsoina ato ho ato, noho ny fihoaram-pefy ny fampielezan-kevitra mialoha ny fotoana ataony.

Jean D