Politique

Partagé sur :
• facebook

Haverina ny fanompoam-pirenena ivelan’ny tafika na ny “Service National” ho an’ireo tanora nahazo ny maripahaizana bakalorea. Io no anisan’ny nisongadina tamin’ny tolo-kevitra nataon’ireo mpizaika amin’ny Safatsiroa ho an’ny ady amin’ny tsy fandriampahalemana izay nisokatra omaly teny amin’ny trano fivoriana iraisam-pirenena eny Ivato ny fivoriana.

 Ny safatsiroa (isa fa tsy roa) dia midika tsy manam-paharoa.Ankoatra ny   famerenana ny  fanompoana  ho an’ny  tanora nahazo  maripahaizana dia navoitran’ireo  mpizaika  tamin’ny tolo-keviny  ihany koa ny momba ny  fanomezana  fampiofanana  manokana sy ny fampitomboana ny  isan’ny  mpitandro ny filaminana,ny  fameloma-maso  ny  « quartier  mobile ». Tsapan’ireo mpizaika   ihany koa fa kely ny  vola  entin’ny  birao mahaleotena  miady amin’ny   kolikoly ka tokony hampitomboina  izany. Manodidina ny raharaham-pitsarana indray dia tokony hisy ny sampana mpanara-maso ny mpitsara amin’ny fanaovan’izy ireo ny asany. Ny   mpitsara izay tsy tokony hijanona  mihoatra ny telo taona amin’ny toerana iray, hoy ireo mpizaika.

Milamina vao mandroso

Raha nandray  fitenenana kosa ny  filoham-pirenena dia  nambarany  fa tsy hisy  fampandrosoana   ho vanona raha tsy  misy fandriampahalemana ary tsy  hisy  fandriampahalemana ihany  koa raha tsy  mandroso ny  toekaren’ny tsirairay. Mifameno  ireo fa ny tokony  hojerena  manokana  dia ny  mba hananana fitsarana tsy andairan’ny kolikoly  ary ny tsy hisian’ny tsy maty  manota  intsony,   hoy ny  filoham-pirenena. Nasian’ny filoham-pirenena teny ihany koa ny  momba ireo orinasa tsy miankina izay misahana ny asan’ny mpitandro ny filaminana izay mila fanatsarana ny  lalàna  mifehy azy.

Haharitra  efatra andro  ity  dinika izay karakarain’ny  fiadidiana ny  praiminisitra  ity  ka hatolotra ny  filoham-pirenena ny tsoakevitra  azo eo.

Tia Tanindrazana

Samia mijoro ho an'i Gasikara.