Politique

Fahefan�ny fitsarana avo Tsy araka ny niheverana azy

Politique
Alarobia 10 Desambra 2014

Fantatra izao fa dia efa vita ireo volavolan-dal�na entina manangana ny fitsarana avo na Haute Cour de Justice. Raha ny hita ao anatin�izany anefa dia toa vao mainka manome vahana ny tsimatimanota ilay volavolan-dal�na voasoritra.

Mizara telo ny hevi-dehibe ao ka tsy dia hita taratra loatra ny tena sazy henjana izay mety ho azon’ny mpitondra ambony eto amin’ny firenena. Tsy misy afa tsy ny fampiatoana ny filoham-pirenena amin’ny asany ihany no azo atao fa raha ny sazy toy ny fanagadrana dia tsy azo atao. Raha misy fahadisoana goavana ataon’ny mpitondra dia ho afaka moramora ihany izy ireo. Voalaza ihany koa fa tsy maintsy mahangona sonia miisa 580 avy amin’ny olom-boafidy izay vao azo atao ny mitory. Ny 500 amin’io sonia io dia an’ny ben’ny tanàna eran’i Madagasikara, ny 80 an’ireo solombavambahoaka ary ny 30 ambiny dia an’ny loholona. Mila miandry enim-bolana ihany koa farafahakeliny izay vao azo dinihina ny raharaha noho ny dingana maro izay mbola arahina ary tsy maintsy mila ny vato 2/3 an’ireo depiote vao azo alefa ny fitoriana. Mialoha io anefa dia misy ihany koa ny vaomiera miisa 15 izay samy ahitana ny solontenan’ny filoham-pirenena sy ny minisitry ny fitsarana. Maro ny milaza fa toa filana voatsihary ihany no nataon’ny mpitondra teo am-pamolavolana iny lalàna iny.