Politique

Fahantrana sy fahapotehan�i Madagasikara Fotoana hijoroan�ny vahoaka izao

Politique
Alarobia 18 Martsa 2015

Tsy ireo firenena vahiny toa an�i Frantsa mihitsy no hitondra na hanampy ny vahoaka Malagasy hivoatra sy hanome ny paikady fampandrosoana, hoy i James Ratsimba. Efa voaporofo izany nandritra ny 50 taona mahery niarahana niasa taminy

. Fitaka, fihatsarambelatsihy, fanakorontanana sy fanapotehana no mahatonga izao fahantrana mangitsokitsoka eto Madagasikara izao. Fiaraha-miasa ho fiarovana ny tombontsoan’ny vahiny tsy manaja ny fahaleovantenan’ny firenena Malagasy no nanjaka sy tadiavina mbola hotohizana eto. Misy ny firaisan’izy ireo tsikombakomba amin’ireo mpitondra mpanao kolikoly ka tanjona ny hahatonga an’i Madagasikara ho lasan’ny vahiny. Efa tsara ny namalian’ny mpitondra fanjakana ny fanakianan’ny masoivoho frantsay ny fitantanan-draharaham-pirenena. Andrasana kosa ny fanaporofoana amin’ny asa izay kabary natao. Azo atao, ohatra, ny manapaka ny fiaraha-miasa amin’ireo firenena tsy manaja ny fiandrianana ho fanavotana ny taranaka Malagasy. Mihevitra rahateo i James Ratsimba fa fotoana hijoroan’ny vahoaka Malagasy ho taom-panafahana ity 2015 ity.

Ramano F.