Politique

Fahafahan�i Marc Ravalomanana Andrasana ny fivoahan�ny taratasy ofisialy

Politique
Alatsinainy 04 Mey 2015

Miandry am-pitoniana ny fivoahan�ny taratasy ofisialy voasonian�ny filohan�ny repoblika momba ny fanafoanana ilay didim-panjakana nivoaka tamin�ny 24 desambra 2014 ka mametra ny fahafahany mivezivezy Atoa Marc Ravalomanana sy ireo mpiara-dia aminy

Miandry am-pitoniana ny fivoahan’ny taratasy ofisialy voasonian’ny filohan’ny repoblika momba ny fanafoanana ilay didim-panjakana nivoaka tamin’ny 24 desambra 2014 ka mametra ny fahafahany mivezivezy Atoa Marc Ravalomanana sy ireo mpiara-dia aminy. Fanambarana am-bava ihany mantsy no mbola nataon’ny filoham-pirenena teny Ivato fa tokony horaketina an-tsoratra mazava mba ho ara-dalàna ilay izy. Tenin’olon-dehibe moa ny teny Ivato koa inoana fa hivoaka tsy ho ela ny taratasy manamarina fa tena afaka tanteraka i Dada, hoy ireo mpomba azy. Andrasana ihany koa ny famerenana ny pasipaoron’ity filoha teo aloha ity izay mbola nogiazan’ny minisiteran’ny raharaham-bahiny moa.

RTT