Politique

Dr Alain Ramampiarivelo Matotra ny antoko Tiako I Madagasikara

Politique
Alakamisy 28 Mey 2015

�Te hitondra ny anjara biriky amin�ny fampandrosoana ny kaominina renivohitr�i Fianarantsoa ny tenako�, hoy dokotera Alain Ramampiarivelo. Nisafidy ny ho kandida ben�ny tan�na Tiako I Madagasikara izy ankehitriny raha tsy miankina foana hatramin�izay.

Ny antony dia satria antoko matotra tena havanana sy maharesy lahatra afaka mitondra fampandrosoana eny ifotony ny TIM. Laharam-pahamehana ny fampandrosoana ny lafiny maha olona ao an-tampon-tanànan’i Fianarantsoa. Asa miandry, ohatra, ny fifehezana ny fidangan’ny vidim-piainana, indrindra mahakasika ireo entana ilain’ny mponina andavanandro, ny fitondrana vahaolana amin’ny fahasahiranana ara-tsosialim-bahoaka toy ny fanadiovana sy fanatsarana ny tanàna, ny fandaminana ny eny anivon’ny tsena. Tsy maintsy hojerena ihany koa ny lafiny fifanakalozana eo amin’ny sehatry ny asa tanana, ny fambolena sy ny fiompiana. Hanan-danja manokana ny fiaraha-miombon’antoka eo amin’ny fanjakana sy ny sehatra tsy miankina, hoy ny kandida ben’ny TIM dokotera Alain Ramampiarivelo.

Ramano F.