Politique

Dosie �26 janoary 2009� Nanjavona nandritra ny tetezamita

Politique
Talata 27 Janoary 2015

Ny fanampiana avy tamin�ny fitondrana Ravalomanana no mba azon�ireo mpandraharaha lasibatry ny fandrobana sy fandorana nitranga tamin�ny 26 janoary 2009. Nidina teny an-toerana ihany ingahy Andry Rajoelina nijery ny zava-misy sy nampanantena fanonerana saingy tsy nisy tohiny izany efa ho enin-taona izao

. Nisy rahateo ny dosie mikasika ny fangatahana fanampiana momba ireo entana very sy fitaovana simba napetraka tamin’ny fitondrana tetezamita saingy nanjavona tsy hita popoka izany, hoy i Rhodya mpitam-bolan’ny fikambanan’ireo mpivarotra lasibatra tamin’ny 26 janoary 2009. Mieritreritra ny hifampiraharaha amin’ny fitondram-panjakana vaovao ny fikambanana ankehitriny. Potika hatrany amin’ny 99% moa ireo tsenam-barotra miisa 116 tao amin’ny «Suprême Center» Andravoahangy. An-jatony tapitrisa Ariary maro kosa ny fatiantoka nateraky ny fanapotehana. Tsy mbola tafarina tamin’ny fahavoazana mihitsy ny tsena hatramin’ny nisian’ny «Alatsinainy Mainty» satria zara raha misy ny ampahefatry ny vola miditra tamin’izany no raisin’ny mpivarotra amin’izao, hoy ny fanazavana azo teny an-toerana. Tsy maharaka intsony ny fanafarana entana noho ny fidangan’ny sarany miampy ireo hetra sy ny hofan-trano tsy maintsy aloa.