Politique

Dokotera Elie Rasoanaivo Vonona hitondra ny traikefany amin�ny fanarenam-pirenena

Politique
Zoma 23 Janoary 2015

Manaraka hatrany ny raharaham-pirenena ny solombavambahoaka teo aloha tany Ambatondrazaka dokotera Rasoanaivo Elie. Nahafantarana azy ny fahazotoana mandray andraikitra eo amin�ny lafiny fampandrosoana ny tontolo ny fitsaboana.

Nisongadina ny zavatra vitany nandritra ny nitantanany ny hopitaly tao Ambatondrazaka sy ny naha solombavambahoaka azy. Nanambara tamin’ny mpanao gazety ny lehilahy ankehitriny fa vonona ny hifanome tanana amin’ny fitondrana eo amin’ny ezaka ho fanarenam-pirenena. Tsy nihanona fotsiny tamin’ny fitandroana ny fahasalamam-bahoaka ny tenany fa nikaroka mpiara-miombonantoka afaka hitondra fampandrosoana ho an’ny faritra Alaotra Mangoro. Tapaka tampoka anefa izany ezaka nataony izany vokatry ny fanonganam-panjakana tamin’ny taona 2009. Tsy kivy ny tenany fa mbola mijoro hatrany manampy ny vahoaka amin’izay kely eo am-pelatanany. Raha tian’ny fitondrana ny hitondrako ny anjara biriky eo amin’ny ady amin’ny fahantrana dia vonona aho, hoy izy. Vonona ho anisan’ireo mpikambana ao amin’ny governemanta izany ny lehilahy raha io teniny io no zohina. Ny filoham-pirenena sy ny Praiministra ihany anefa no tompon’ny teny farany, ireo izay samy milokaloka fa ho taratry ny fampihavanam-pirenena ny governemanta hitsangana.