Politique

Diplaomasia Mifanesika ny ambasadaoro vahiny, ny Malagasy tsy mahatendry na iray aza

Politique
Talata 15 Septambra 2015

Ambasadaoron�ny firenena vahiny roa, Ejipta sy Soisa, no nifandimby tonga tetsy amin�ny minisiteran�ny raharaham-bahiny Anosy omaly nanolotra ny dika mitovin�ny taratasy fanendrena azy ireo hiasa eto Madagasikara, dia Atoa isany Abbas Cherif sy Philippe Brandt.

54 taona izao no nisian’ny fifandraisan’i Madagasikara sy Soisa. Eo amin’ny sehatry ny fanofanana sy ny kolontsaina no tena iarahan’ny firenena roa tonta. I Ejipta kosa no firenena afrikanina voalohany nanokatra masoivoho teto Madagasikara, 45 taona lasa izay, ary hanamafy izany ny fahatongavan’ity diplaomaty vaovao ity. Ambasadaoro faha-5 hiasa eto Madagasikara, tao anatin’ny herinandro ireto vao tonga ireto. Mihazakazaka tonga eto ny vahiny hijery izay mahasoa azy, i Madagasikara kosa, tao anatin’izay 21 volana nijoroan’izao fitondrana Rajaonarimampianina izao tsy mbola nahavita nanendry na ambasadaoro iray aza. Tsy manam-bola sa tsy manana olona ?

Jean D.

sary