Politique

Partagé sur :
• facebook

Daty manan-tantara ny 10 aogositra ho antsika eto Madagasikara satria tsingerintaona nitrangan’ilay diabe ho an’ny fahafahana izay nataon’ny vahoaka Malagasy tamin’ny taona 1991.

 Raha tsiahivina, tapa-kevitra ny  vahoaka  teo  amin’ny  kianjan’ny  13 mey  fa hanao diabe eny Mavoloha  ny 10 aogositra  1991 hanatitra ireo lohandohan’ny mpisorona  hifampiresaka  amin’ny filoham-pirenena tamin`izany fotoana, Didier Ratsiraka,  mikasika ny fitakian’ny vahoaka. Pilotra, basy, vanja milevina, grenady  no niandry sy namonoana ireo vahoaka tanam-polo  ary vao tany amin’ny 1 km  miala  ny lapan’i Mavoloha no nitifirana  azy ireo. Vokany,  maro ny maty sy naratra, nandriaka  ny ra teny  amin’ny lalana mihazo an’i Mavoloha. Marobe ny isan’ny namoy ny ainy sy naratra ary nafenimpenina ny isa marina fa nosarontsaronana ho amin’izay mahamety ny fitondran-dRatsiraka. Malagasy marobe no nitaky fahafahana sy fiovana ho an’ny tanindrazany tamin`izany fotoana. 58 taona nahaleotena kanefa tsy hitan’i Madagasikara hatrany ny firafitra voafaritry ny lalàna sy ny fomba fanaovana politika niantoka ny fahamarinan-toeran’ny fahefana. 27 taona lasa izay no nandripahan'ny Amiraly Didier Ratsiraka olona teny Mavoloha sady nandrodanana ny “Mandan’i Jeriko” na ny fanoheran’ny vahoaka ny fitondrana tamin`izany, izay nanjakan’ny jadona sy ny tsy refesi-mandidin’ny fitondra-miaramila. Afaka ve anefa isika Malagasy ankehitriny ?  Ireo fikomiana sy fifandonana nifandimby niantoka ny fifandimbiasan-toerana dia mametra-panontaniana amintsika indray. Tonga izao angamba ny fotoana hamaranana ny fivarinana izay manamarika ny fivoaran’ny firenena, hatao marin-toerana ireo andrim-panjakana ary hahitsy ny fomba amam-panao politika. Ny tsy fahamarinan-toerana politika, toekarena ary sosialy eto Madagasikara dia vokatry ny teoria nandraisana ny fahefam-panjakana sy ny fampiasana io fahefana io.

Marigny A.

2-3

Tsiahy 10 aogosoitra 1991, diabe ho an’ny fahafahana, efa afaka ary ve i Madagasikara 27 taona aty aoriana ?

ary tsy fanafihana lapa tsy akory ny diaben'ny fahafahana fa ny Amiraly no niantso sy nilaza fa misokatra midanadana ho an'ny rehetra ny varavarana.

Ny lasa tsy fanadino ary tsy ho verivery foana tsy akory ny ra nalatsaka tamin'izany fa mbola hifoha ny Malagasy ary hanohy ireo tolom-panafahana rehetra natao teto na dia atao foana aza ny handotoana sy hanimbana ilay atao hoe «tolom-bahoaka» ary izay efa nadatsa-dra teto tsy ho afa-maina izany.
(Mavoloha no tena anaran'ny tanàna taloha fa taty aoriana dia io navadika ho Iavoloha io)

nitakiana  ny   fahafahana  hisian’ny  demokrasia  teto  amin’ny firenena  izay nanjakan’ny didy jadona  nandritra ny fitondran’ny  filoha  teo aloha  ny Amiraly Didier Ratsiraka  tao anatin’ny  16 taona .  

Antony maro no mahatonga  izany,  tompon’antoka voalohany  amin’ny nahafatesana  sy nampitondra takaitra olona maro tamin’ny 10 aogositra    ny  nitarika   olona ho eny amin’ny lapam-panjakana  amin’ny maha  faritra mena azy, vokatr’izany, ireo  mpitaritolona  no lasa nitantana  ny firenena tamin’ny taona 1993  rehefa niala  teo amin’ny  sezany  ny Amiraly , tsy te hosaringotina  ireo  mpitondra  nanomboka  teo  ka  dia naleony  nangina

Feno 27 taona sahady izay ny nitrangan’ny hetsi-bahoaka tamin’ny 10 aogositra 1991, 

Ny mampalahelo dia tsy misy mahatsiaro intsony ankehitriny ny ra nalatsak’ireo Malagasy nitolona tamin’izany.

Tia Tanindrazana

Samia mijoro ho an'i Gasikara.