Politique

Depiote Ravelohanitra Nirina Nizara vary ho an�ny vahoaka sahirana

Politique
Talata 17 Martsa 2015

Izany tokoa no hoe : �Ny an-tsaha tsy miakatra, ny an-tanana lany� taorian�iny orambe sesilany iny. Misedra fahasahiranana ny mponina ambanivohitra noho izany satria sady tsy mahita karama ny mpanao saraka an-tsaha no tsy misy vokatra azo hanina.

Tsy nitazam-potsiny izany ny Solombavambahoaka Ravelohanitra Nirina. Ny sabotsy 14 martsa lasa teo dia ny kaominina Belazao no notsidihiny. Nivatsy vary 3 taonina nozaraina tamin’ireo tantsaha tra-pahasahiranana ny tenany ka olona nanodidina ny 400 avy any amin’ireo fokontany 7 no nisitraka izany. Nambarany fa tsy vao sambany akory no nanaovany hetsika toy izao fa efa fanaony ny manampy ireo olona soloiny tena. Efa nisy ny fizarana akanjo ho an’ny mpianatra sy ankizy ary ny olon-dehibe tamina kaominina maromaro nialoha izao, izay matetika arahina fizarana vary toy izao koa ary mbola tohizana hatrany. Tsy natao hahavita taona akory fa hanamaivana ihany ny fahasahiranan’ny mponina amin’izao maitso ahitra izao. Nampanantena ny tenany fa mbola ho avy ny anjaran’ireo kaominina hafa ao amin’ny Distrikan’Antsirabe faharoa. Niara-dalana taminy tamin’izao hetsika izao moa ny misionera Koreanina Tatsimo, izay mazoto manohana ity solombavambahoaka tanora sy mavitrika ity.

Caïus Raharison