Politique

Partagé sur :
• facebook

Dradradradraina etsy sy eroa amin'izao fotoana izao ny "fampihavanam-pirenena", hoy ny depiote Raharinirina Lalao Nina voafidy tao Mahajanga I, tamin’ny fotoana nametrahana ofisialy ny samboady teny aminy ny zoma lasa teo, kanefa ny mpitondra fanjakana indray no manitsakitsaka izany.

Tsy nisy tonga nanatrika ity fotoana ity na dia nasaina aza ny Lehiben'ny Faritr’i Boeny, ny Pds-n’i Mahajanga I, ireo mpitandro ny filaminana, ny Sefo distrika hatramin’ny Sefo fokontany. Nisy baiko avy any ambony, hono, tsy nahafahan'izy hanatrika izany fa lasa tany amin’ny hetsika iray nomanin’ny mpitondra fanjakana nifanandrify tamin’io hetsika io tany amin’ny toeran-kafa, tany amin’ny « bord, petite plage, grand pavois ».  Nasehon'ireo Solombavambahoaka avy amin’ny firehana samihafa tonga tany an-toerana kosa anefa, nahitana ny avy amin’ny ankolafy Ravalomanana, ny Vpm Mmm, ary ny Mapar fa iray tsy mivaky izy ireo na dia eo aza ny hevitra ara-politika tsy hitoviany. Taratry ny firaisam-pirenena hatombokay depiote izao hoy ny filoha lefitry ny Antenimieram-pirenena Faritanin’Antsiranana, ny depiote Freddie Mahazoasy, ka tokony halain'ny mpitondra mpanatanteraka tahaka. Tsy hiteraka fampandrosoana sy fandriampahalemana ny fizahozahoana sy fanaovana tsinontsinona ny hafa nefa samy mpitondra  ihany, hoy izy fa tokony hiainga avy any ambony ny ohatra hatolotra ny vahoaka, fa raha tsy izany dia lasa mpitari-bato vilam-bava fotsiny amin’ilay resaka fampihavanam-pirenena.

Tia Tanindrazana

Samia mijoro ho an'i Gasikara.