Politique

Depiote mpanohitra Tokony hitsangana fa tsy hiafinafina

Politique
Alatsinainy 31 Aogositra 2015

Tonga ny fotoana hanambarana etoana, hoy ny depiote Raherisoa Vololona Victorine avy eny amin�ny Boriborintany faha-6 eto Antananarivo Renivohitra.

Fa tokony hitsangana amin’ny maha izy azy amin’izay ireo depiote mpanohitra eny amin’ny Antenimieram-pirenena eny fa tsy hihazohazo tsy fantatra raha manohana na manohitra ny fitondrana nefa minia manakorontana saim-bahoaka hatrany. Raha ny marina, hoy izy, dia sahinay ny milaza fa efa nisy hatry ny elaela izay ny solombavambahoaka sasantsasany mitady seza na toerana hafa. Raha tsorina dia tena misy te ho minisitra mafy ao ka mamorona kajikajy isan-karazany. Efa misy izao, hoy ity depiote ity, ny “majorité présidentielle” izay misy anay ka sahy nanao sonia an’ilay “Mémorandum” nolazain’ny filoham-pirenena satria resy lahatra amin’ny praograma navoakan’ny fitondram-panjakana amin’ny ankapobeny. Tokony hatao ny fifandresen-dahatra, hoy ny depiote Vololona, ary aleo hiasa ny filoham-pirenena.