Politique

Depiote Jocelyne Rahelihanta “Ny kolikoly no fototry ny ratsy rehetra.”

Politique
Alatsinainy 14 Janoary 2019

Nitaky foana ny tsy hisian’ny kolikoly intsony izahay, hoy ny depiote Jocelyne Rahelihanta.

Toy izany koa ny tsy fandriampahalemana sy ny mba hihenan’izao vidim-piainana midangana dia midangana izao. Mankasitraka ny vahoaka Malagasy nanefa ny adidiny. Miandry ny fiovan’ny fiainam-bahoaka izahay amin’ny maha depiote anay mba hihena ny asan-dahalo, ny fakana an-keriny, tsy fandriampahalemana, indrindra, ny kolikoly satria io no fototry ny ratsy rehetra. Ny fitsaram-bahoaka dia tsy tokony hisy intsony satria midika fa misy sokajina tompon’andraikitra tsy mandray andraikitra mahatonga ny toe-javatra toy ireny. Be dia be ny velirano nataon’ny filoham-pirenena vaovao ka miandry azy ny Malagasy rehetra, hoy hatrany ny depiote Jocelyne Maxime Rahelihanta, izay solombavambahoaka voafidy tao an-tampon-tanànan’Antsiranana I.

J. Mirija