Politique

Depiote Hary Andrianarivo Filohan’ny antenimieram-pirenena vonjimaika

Politique
Talata 09 Oktobra 2018

Tsy maintsy niala tamin’ny toerana amin’ny maha filohan’ny Antenimieram-pirenena azy i Jean Max Rakotomamonjy noho izy nirotsaka hofidiana ho filoham-pirenena.

Ny solombavambahoaka Hary Andrianarivo no hisolo toerana azy ary rehefa vita ny fifidianana, dia afaka miverina amin’ny toerany ity filohana andrim-panjakana kandida filoham-pirenena ity. Hiantsoroka ny fampandehanan-draharaha eo anivon’ny antenimieram-pirenena izany ity depiote voafidy tany Ambositra ity. Tsara ny manamarika, fa raha tsy misy ny fiovana goavana noho ny raharaham-pirenena, dia hiditra amin’ny fivoriana ara-potoana ny solombavambahoaka amin’ny tapak’ity volana ity. Maro ny lahadinika horesahina amin’izany, ary misy ny zavatra mety tsy hampoizina, raha kenonkenona sy resaka manomboka re amin’izao fotoana izao, toy ny resaka fanozongozonana na fitrongisana amin’ny toerany ny lehibena andrim-panjakana iray eto amin’ny firenena.

Toky R