Politique

Partagé sur :
• facebook

Misy sa resa-be ilay rijan-teny milaza ilay “pacte de responsabilité” tonga eny Tsimbazaza ankehitriny ? Fanontanian’ny maro io, ho an’ny depiote Famindra Justin, izay mitarika ny vondrona parlemantera Mapar II dia

 
“tsy hisy mihitsy izany fampandrosoana izany eto amintsika, raha mbola mitohy hatrany ny fifanonganana izay niainan’ny Malagasy tao anatin’ny 43 taona izao”. Nomarihan’ity solombavambahoaka ity hatrany, fa “feon’Andriamanitra ny feom-bahoaka naneho ny safidiny, ka tokony hahay handray izany ny rehetra, tokony hahay hiandry fifidianana ihany koa ny mpanao politika”. Izay, araka ny teniny, no nahatonga azy nanao sonia ilay rijan-teny mirakitra ny “pacte de responsabilité” tonga eny Tsimbazaza. Mahatsapa izy fa “hitondra fitoniana sy filaminana ary fahamarinan-toeran’ny mpitondra hiteraka fampandrosoana ho an’ny vahoaka io”. Taratasy iray ihany no mirakitra ny rijan-teny misy ilay “pacte de responsabilité”, izay ahitana fizarana roa mazava tsara, ka ny voalohany dia misy ny fanontaniana momba ny fankatoavan’ny depiote ny fandaharanasan’ny filoham-pirenena hitantanany ny fampandrosoana eto, sy ny faharoa misy ny rijan-teny mirakitra ny pitsopitson’ilay fifampitokisana sy fiaraha-miasa matotra eo amin’ny mpanatanteraka sy ny parlemanta. Ireo rehetra ireo no eken’izay manao sonia ilay rijan-teny noteren’ny fitsarana avo momba ny lalàmpanorenana hotanterahan’ny roa tonta.

Rakoutou

Tia Tanindrazana

Samia mijoro ho an'i Gasikara.