Politique

Depiote eny Tsimbazaza �Tsy hiala izahay�

Politique
Alarobia 06 Mey 2015

Tsy levon�ny vavonin�i Jean Max Rakotomamonjy, filohan�ny Antenimieram-pirenena, ny tolo-kevitry ny Fihaonambe ho an�ny dinika fampihavanana maniry ny handravana ny Antenimieram-pirenena.

Fanakianana mavaivay

Niompana tanteraka tamin’ny fitsikerana an’iny fihaonambe natao teny amin’ny trano fivoriana iraisam-pirenena iny ny kabary fanokafana ny fivoriana ara-potoanan’ny Antenimieram-pirenena izay nataon’ny filohany omaly teny amin’ny lapan’i Tsimbazaza. Olom-boafidy ny Solombavambahoaka ary tsy manaraka ny lalàmpanorenana ny fandravana azy noho ny fangatahan’olom-bitsy izay mampisalasala ny hanekena azy ho solontenan’ny vahoaka 22 tapitrisa, hoy ny fehin-tenin’i Atoa Jean Max Rakotomamonjy. Mandala ny fampihavanana ny Antenimieram-pirenena, hoy ny nambarany saingy manohitra kosa ny fandravana ity andrim-panjakana ity. Fikasana handrava izay fonosin’ny kajikajy politika tsy hahitam-bokatsoa, hoy ny nambarany. Nampangidy rora ireo Solombavambahoaka mihitsy iny soso-kevitra iny ary nahakivy azy ireo. Fanaovana tsinontsinona ny safidim-bahoaka izany, hoy ihany ny filohan’ny Antenimieram-pirenena. Azo heverina fa fankasitrahana ny hevitr’Atoa Jean Max Rakotomamonjy ny tehaka mirefodrefotra nasetrin’ireo solombavambahoaka ny fanambarany omaly, izany hoe samy te hifikitra amin’ny sezany izy ireo, milaza fa voafidim-bahoaka ka tsy hanaiky ny hiala izany mihitsy.

Mpitari-bato vilam-bava

Nanaitra ny mpanatrika sasany ity lanonam-panokafana ity kosa ny fihetsik’Atoa Jean Max Rakotomamonjy izay nilaza fa manohana ny fampihavanana kanefa tsy nahitana na dia singan-teny iray akory tamin’ny lahateniny mba miaiky izay lesoka teo anivon’ny Antenimieram-pirenena ka mety nahatonga ireny tolo-kevitry ny mpizaika teny Ivato ireny. Tsy misy afaka ny hilaza fa manana ny marina 100%, hoy ny Amiraly Ratsiraka izay fa samy manan-tsiny sy nanana ny kilemany avokoa ary tsy ny eny amin’ny Antenimieram-pirenena mihitsy no ho afaka handa izany. Mitodika amin’ny Filoham-pirenena ny mason’ny mpanara-baovao ankehitriny miandry izay fanapahan-keviny na hanaraka ny hevitry ny mpizaika izay tsy tokony ho hadinoina fa solontenan’ny maro na tsy ny vahoaka rehetra aza, na homba iretsy Solombavambahoaka eny Tsimbazaza ?