Politique

Depiote Andilamena sy ny lehiben�ny Faritra Hifanome tanana ho fampandrosoana an�Alaotra

Politique
Alakamisy 11 Jona 2015

Tombontsoa iombonana no jerena fa hajanona ny resaka firehana eo amin�ny fikatsahana ny tombontsoan�ny vahoaka ao anatin�ny faritra Alaotra Mangoro. Nivoitra izany nandritra ny fitsidihana voalohany notanterahan�ny lehiben�ny Faritra Ranaivonirina Jean Yves tany amin�ny Distrikan�Andilamena ny alatsinainy

teo, tao amin’ny kianja fanaovam-baolina. Hiara-kisalahy eo amin’ny famahana ny olan’ny mponina ireo solombavambahoaka voafidy tany amin’ny faritra Alaotra sy ny ao amin’ny fiadidiana ny Faritra Alaotra Mangoro. Voaresaka nandritra ity fitsidiham-paritra ity ny mahakasika ny tontolo fitrandrahana ny harena ankibon’ny tany sy ny fiarovana ny tontolo iainana ary ny fandriampahalemana. Nilaza ny lehiben’ny Faritra fa hisy ny famolavolana drafitra anankiray handrindra ny mahakasika ny fitrandrahana harena ankibon’ny tany any Andilamena. Eo amin’ny lafiny lalàna izay maha be resaka dia nanambara ny lehiben’ny Faritra fa manomboka izao dia hisy ny kesy manokana ao amin’ny faritra mba hitsinjovana ny fikojakojana ny lalana. Voaporofo tao Andilamena fa mahay miray hina ny zanak’Alaotra na eo aza ny hevitra tsy itovizana. Fihaonana tamin’ireo zokiolona no namaranana ny fitsidiham-paritra tany Andilamena ity.

Niry A