Politique

CRN sy Fampihavanam-pirenena Tafatsangana omaly ny vaomiera handresy lahatra ny rehetra

Politique
Talata 21 Oktobra 2014

Fotoana tokony hohararaotina, hanatanterahana ny fampihavanam-pirenena amin�ny fampihaonana ireo mpitondra nifandimby teto izao fahatongavan�ny filoha teo aloha Marc Ravalomanana eto an-tanindrazana izao

hoy ny sekretera jeneraly mpitarika ny CRN, Tabera Randriamanantsoa, omaly teny amin’ny foibe toerany teny Mahazoarivo. Am-panantenana lehibe tokoa no hiandrandrana ny fahatanterahan’ity fampihavanam-pirenena ity tsy ho ela, hoy ireo ao amin’ny biraon’ny CRN ivondronan’ireo antoko politika maro eto amin’ny firenena nivory omaly io. Neken’ireo mpikambana mantsy ny fanitsiana farany ny volavolan-kevitra nolaniana nandritra ny fivoriambe teny amin’ny hotely Panorama tamin’ny 26 septambra teo ka nantsoina hoe “Fifanarahan’ny 26 septambra tao amin’ny panorama”. Voasoritra ao anatin’io volavolan-kevitra io ny fananganana ny komitim-pirenena misahana ny fampihavanam-pirenena araka ny voalazan’ny tondrozotra. Hatolotra ny filoham-pirenena sy ireo rafitra rehetra voakasiky ny fampihavanam-pirenena havadika ho lalàna ity fifanarahana ity. Najoro omaly ihany koa ny vaomiera isan-tokony eo anivon’ny CRN hiandraikitra ny fandresen-dahatra an’ireo rafitra ireo, indrindra ny FFKM sy ny parlemanta, izay afaka hamadika azy ho lalàna avy hatrany.