Politique

CENI foibe Tonga manatevina ny solontenan’ny kandida

Politique
Talata 11 Septambra 2018

Ny lalàna mifehy ny fifidianana no manome zo ny kandida ofisialy hifaninana amin’ny fifidianana fioham-pirenena, hanana solontena ao amin’ny

Vaomieram-pirenena mahaleotena misahana ny fifidianana. Miisa 36 ireo kandida, samy hanana solontena iray avy ho mpikambana tsy maharitra eo anivon’ny CENI foibe sy amin’ireo rantsamangaikany eo anivon’ny FAritra, Distrika ary Kaominina izy ireo. Hatry ny omaly dia manodidina ny roapolo eo ireo kandida efa nandefa ny anaran’ny solontenany eny anivon’ny CENI Foibe, eny hatramin’ireo kandida mitaky ny hanemorana ny fifidianana mba tsy hotontosaina amin’ny 7 novambra aza misy efa nandefa ny anaran’ny solontenany, anisan’izany ny kandidan’ny antoko Kintana Tabera Randriamanantsoa sy ny kandidan’ny Arema Ratsiraka Didier Ignace. Hanao ny fivoriany voalohany io CENI mivelatra io amin’ny alakamisy 13 septambra ho avy izao, ka ho 45 ny isan’ny mpikambana mandrafitra azy raha voasolotena avokoa ireo kandida miisa 36.

Jean D.