Politique

Biraon�ny paositra Hanana ny azy mankona i Sabotsy Namehana

Politique
Sabotsy 10 Oktobra 2015

Omaly no napetraky ny filoham-pirenena Hery Rajaonarimampianina, teny amin�ny kaominin�i Sabotsy Namehana ny vato fehizoro, rarivato fototry ny birao vaovaon�ny Paositra Malagasy ho fanamarihana ny fankalazana ny andro iraisam-pirenena ho an�ny paositra.

Marina fa efa mitsoka mafy ny rivotry ny fandrosoana amin’ny alalan’ny finday sy ny aterineto fa mbola mitana ny toerany lehibe ny paositra. Eto Madagasikara dia mbola ny 70%-n’ny vahoaka no mampiasa ny paositra, hoy ny filoha. Ao amin’ny tanjon’ny fampandrosoana maharitra izay nofaritan’ny firenena mikambana dia mbola manana ny toerany ny paositra sy ny fifandraisan-davitra.

Izao fananganana biraon’ny paositra vaovao ho an’ny kaominina izao, hoy ny filoha dia azo itarafana ny ezaky ny fanjakana foibe manatona ny kaominina mitondra ny fampandrosoana.

Ny tanjona dia ny hametraka fotodrafitrasa hanampy ny vahoaka ka anisan’ny tanjon’ny fanjakana ny teknolojia hiaka farany, ka tafiditra amin’izany ny fametrahana tranokalam-pifandraisana ho an’ireo biraon’ny paositra miisa 250 eran’i Madagasikara.