Politique

Be galona manao politika Mamotika ny mpitandro ny filaminana

Politique
Sabotsy 05 Mey 2018

Voizina foana ny hoe tsy manao politika ny mpitandro ny filaminana saingy toa mandiso tanteraka izany ny zava-misy raha dinihina amin’ny miseho ankehitriny.

Tsy natao hanenjehana na hanaratsiana fa toa efa diso fanapahan-kevitra sy avy manatanteraka baiko ara-politika vao miverin-dalana, raha halalinina ny zava-nisy teny Analakely nisian’ny ra latsaka sy faty olona ny 21 aprily. Nibaribary ny fampiasan-kery tamin’ny vahoaka tsy misy afa-tsy tanam-polo hoenti-miaro an-jambany ny fanjakana. Tsy azon’ireo be galona sy tompon’andraikitra voalohany natao ve ny nisoroka an’ireny nialoha ny fotoana ? Resaka fanatanterahana baiko politika avokoa no mety ho anton’ireny. Hatramin’ny Prefen’Antananarivo Jeneraly Ravelonarivo Christian Angelo aza taorian’ireny, dia vaky vava fa na izy nametra-pialana na nesorina taorian’ny zava-niseho, raha ny tokony ho izy. Anisan’ny mety efa mampikolay ny an-dakazeriny ny fanaovan’ireo be galona politika, ka tsy atao mahagaga raha nisy ohatra ny efa nanao fanambarana nandigana ireo lehibe, toy ny sendikan’ny inspektera teo anivon’ny polisim-pirenena. Na izany na tsy izany, efa dingana lehibe ny nihemorana tsy handray baiko hamono vahoaka, saingy mahalasa saina ihany ilay fampitandremana natao andro vitsy lasa izay.

Toky R