Politique

Asan�ny CENIT

Politique
Alatsinainy 24 Aogositra 2015

Lesoka ny tsy fananana fahefana famaizana Hitsangana mialoha ny fifidianana ireo mpikambana eo anivon�ny Antenimierandoholona ny Ceni vaovao, hoy ny filoham-pirenena ny faran�ny herinandro teo tany Arivonimamo.

Efa nanomboka ny zoma lasa teo rahateo ny fanangonan-kevitra avy amin’ireo mpisehatra eo anivon’ny fiarahamonim-pirenena entina hananganana ilay rafitra vaovao hisolo ny Cenit. Tsapa ho nifototra fotsiny tamin’ny fanazavana ireo lalàna ny andraikitra nosahanin’ity Vaomieram-pirenena mahaleotena misahana ny fifidianana nandritra ny fotoana tetezamita ity ka nahatonga ireo kiana mavaivay maro samihafa. Lesoka lehibe ny tsy nananan’ireo mpikambana tao amin’ny Cenit ny fahefana famaizana, araka ny fanamarihana nisongadina avy amin’ireo solontenan’ny firaisamonim-pirenena nandray anjara tamin’ny atrikasa. Anisan’ny soso-kevitr’ireo mpizaika moa ny fampitomboana ny fahefan’ny Ceni vaovao ka tafiditra ao anatin’izany ny fahazoan-dalana manasazy ireo mihoa-pefy sy tsy mpanara-dalàna.

Ramano F.