Politique

Asa amin�izay izao

Politique
Zoma 18 Septambra 2015

Tantara vaovao no idiran�Antananarivo Renivohitra manomboka eto. 16 taona taorian�ny naha ben�ny tan�na ny vadiny dia voafidy hitantana ny renivohitra Rtoa Lalao Ravalomanana.

Nohamafisin’ny didim-pitsarana omaly momba ireo fitoriana izany. Hiasa ho amin’ny fanatsarana ny tanàna sy ny fanatsarana ny fiainan’ny mponina ao aminy aho, hoy i Neny Lalao Ravalomanana nandritra ireny fampielezan-kevitra ireny. Maro ny zavatra hita tany ivelany tamin’ny fotoana nipetrahana tany, maro be ihany koa ny olona nifampiresahana sy nifanakalozana traikefa. Tsy be resaka i Neny fa henjana kosa amin’ny fomba fiasa sy fanatanterahana ny fandaharanasany. Tenin’olon-dehibe ny azy fa tsy rediredin’ny tanora saina sanatria. Asa maika miandry azy ny fanamboarana ny lalana simba eto an-drenivohitra, ny fandaminana ny tsena, ny famahana tanteraka ny olan’ny fako fa eo ihany koa ny firoboroboan’ny fanotofana tany sy famaritana tany etsy sy eroa eto an-drenivohitra, izay tsy fantatra mazava ny antony ary tena mampimenomenona ny olona. Efa nandinika lalina aho vao nirotsaka ho kandida, hoy i Lalao Ravalomanana ka noho izany efa vonona amin’ny zava-drehetra.

RTT