Politique

Antoko UDECMA « Nanimba anay Rajoelina ! »

Politique
Talata 11 Septambra 2018

Ny kandida natolotry ny antoko politika UDECMA, Norbert Andriamorasata no vahinin’ny fandaharana Mangarahara, handraisan’ny onjampeo Top Radio, raisina eo amin’ny maridrefy 102.8, ireo kandida ho filoham-pirenena isaky ny amin’ny 1 ora tolakandro, omaly.

Toy ny mahazatra dia nanontaniana azy avokoa ny tsara ho fantatra rehetra amin’ny maha mangarahara ny fandaharana. Saika miompana amin’ny lafiny fanabeazana sy toekarena ny vinan’ity kandida laharana faha 28 ity raha aravona. Tanjony ny hanova ny rafi-pampianarana mba tsy hijanona amin’izao rafitra napetraka tamin’ny andron’i Gallieni izao intsony. Mila jerena manokana ireo tantsaha, ny 65%-n’ireo mpikambana ao aminy dia saika mpamboly avokoa. Noho izany dia mahafantatra tsara io lafiny io izy. Fanontaniana avy amin’ny mpanaraka ny fandaharana moa ny hoe ndrao dia mpikarama an’ady hanaparitaka vatona kandida iray ny kandidan’ny UDECMA/KMDP, ary hanohana ny kandida Rajoelina amin’ny fihodinana faharoa ? Anisan’ny nanimba anay ny filohan’ny tetezamita teo aloha ary azonao angamba ny tiako hotenenina, hoy izy.

J. Mirija