Politique

Antoko Tambatra “Tokony ho lohalaharana hitaky fanorenana ny sendika”

Politique
Sabotsy 16 Jona 2018

Hiraisanay amin’ny depiote 73, hoy ny filohan’ny antoko Tambatra, Pety Rakotoniaina, ny tsy fanekena izao fitondrana izao.

Lavinay kosa anefa ny hoe fifidianana no hatao aloha. Marina sy mitombina avokoa ny fitakiana sendikaly nisy nanomboka ny taona 1991 ka hatramin’izao saingy ny olana dia tsy nety nanana fahafahana hamaly azy ireny ny mpitondra nifandimby. Izay no ilana fanorenana ifotony aloha. Ny sendika no tokony ho lohalaharana amin’ny fitakiana an’io. Ahoana no hahafahan’ny Malagasy hitantana ny hareny ka tsy hiankinan-doha amin’ny any ivelany ? Rehefa haintsika ny mitantana an’io, hoy hatrany izy, dia azo atao ny miantoka ny fiainan’ny zaza manomboka eo amin’ny EPP ka hatrany amin’ny CEG. Toy izany koa ny fahazoana fitsaboana maimaimpoana eny amin’ny hopitalim-panjakana. Izay no atao hoe fanorenana. Izay hitantana hahatongavana amin’izany tsy olana fa tsy hidongy seza amin’izay izahay fa ny zava-dehibe dia hoe apetraka ho laharam-pahamehana ilay izy.

J. Mirija