Politique

Antoko Leader Fanilo Olana ny teo amin’ny fampitan-kafatra

Politique
Alakamisy 30 Aogositra 2018

Anisan’ny manana kandida ho filoham-pirenena ihany koa ry zareo avy eo anivon’ny antoko Leader fanilo, tarihin’ny filohany Jean Max Rakotomamonjy.

Fehezanteny famerin’ny mpanorina ny antoko fahavelony, Herizo Razafimahaleo, ny hoe : “Tsy nofy ny fitarihana fa ady”. Raha ny zava-nisy hatrany amin’ny Repoblika Voalohany no ho nankaty anefa dia tsy nety tafakatra ho filoham-pirenena mihitsy ny kandida avy amin’ity antoko ity. Teo amin’ny lafiny fampitan-kafatra, hoy ny mpandrindra eo anivon’ny antoko, Hary Razafindrazaka, no hita ho nisy olana. Maro no milaza fa tsara hatrany ny vinan’ny antoko Leader Fanilo hatramin’izay saingy saro-takarina. Ezahana, araka izany, ny hanarina izay amin’ity. Tsy niova ny tanjon’ny antoko, izay mizara telo amin’ny ankapobeny ary ezahana havaozina mifanaraka amin’ny toetrandro. Voalohany, ny fametrahana ny tena fitsinjaram-pahefana mba ho tonga any ifotony ny fampandrosoana. Faharoa, ny fametrahana tany tan-dalàna ary ny fahatelo dia ny fampangaraharahana ny tarehimarika azo itsarana ireo mpitondra.

J. Mirija