Politique

ANTOKO HVM AO MAHAJANGA Lasa biby fampitahorana ny olona ?

Politique
Alatsinainy 10 Novambra 2014

Taorian�ny fametrahana sy fampahafantarana ireo mpikambana mandrafitra ny antoko Hvm ao Mahajanga dia lasa ataon�ny sasany fitaovana entina mampatahotra ny sasany io antoko ny fitondrana ankehitriny io. Ireo mpandraharaha mpivarotra no tena matetika iharan�izany

. Raha ny zava-misy dia misy ny olona maka entana lafo vidy ka atao trosa izany. Tsy sahy mitaky anefa ireo mpandraharaha mpivvarotra avy eo noho ny tahotry ny fahefan’ireo olona sasany mpanao trosa. Milaza ny tsy matahotra fitsarana mihitsy mantsy izy ireo.Tsy sahy manao fihetsika hafa anefa ilay tompon’entana ka miandry izay sitrapon’ ity olona naka ny entana ity mandoa ny vola. Lasa ataon’ny olona sasany biby fampitahorana sy hanambakana ny hafa arak’izany ity antoko politikan’ny filoha Hery Rajaonarimampiana ity ao amin’ny renivohitra Boeny ao ka tokony hisy ihany ny fandraisana andraikitra ataon’ny mpitarika ity satria dia toa efa zary lasa fomba fanaon’ireo mpikambana Hvm ao Mahajanga ity fihetsika ratsy ity. Maro ny mametra-panontaniana hoe tena izay marina ve ny fototra hijoroan’ny fikambanana Hvm eto Madagasikara ?