Politique

Antoko GJMP Tsy nanaraka ny pitsopitsony ny natao teny Tsimbazaza

Politique
Alatsinainy 01 Jona 2015

Rehefa nanaraka ny fandehanan-draharaha teto amin�ny firenena izay Gjmp na Groupe des Jeunes Malagasy Patriotes tarihako, hoy ny depiote Randrianasolo Jean Nicolas avy any Betroka dia mahasahy manambara fa

tsy nandeha ara-dalàna ny zavatra natao amin’ny Antenimieram-pirenena mikasika ny fangatahana « décheance » ho an’ny filoham-pirenena nataon’ireo ampahana solombavambahoaka. Raha ny tena izy manko, hoy ity solombavambahoaka ity, dia tokony ho nalefa nandalo teny amin’ny birao maharitry ny Antenimiera izay fitoriana noeritreretina natao amin’Atoa filoham-pirenena Hery Rajaonarimampianina dia izy ireo no mandefa izany tany amin’ity farany mba nahazoany nanao fiarovan-tena. Tsy voaraka ny pitsopitsony amin’ny trangan-javatra tahaka iny niseho iny. Ireo Birao Maharitry ny Antenimiera natao hitsikitsika hivavahana indray no nipaoka ny zanaka akoho tamin’iny resaka iny. Tena nampiditra ny namany amin’ny kizo izy ireo raha ny marina. Izaho dia sahy milaza fa ny vahoaka any Betroka izay soloiko vava etoana dia tsy mankasitraka velively izao ataon’ny depiote sasantsasany izao. Tena very fanahy mbola velona ny vahoaka tsy mba nierana akory amin’ny fanapahan-kevitra sadasada tahaka iny nataon’ireo depiote mitady hanongam-panjakana iny.

Ntsoavina Evariste

SARY : Ny filohan’ny GJMP