Politique

Antoko FAIMA “Olona matahotra an’Andriamanitra no ilaintsika”

Politique
Alatsinainy 08 Oktobra 2018

Nanomboka androany tamin’ny 6 ora maraina ny fampielezan-kevitry ny fifidianana ho filoham-pirenena hotontosaina ny 7 novambra izao.

Nanatontosa fotoam-pivavahana tetsy amin’ny hotely La Rotonde Besarety ny avy eo anivon’ny antoko politika Fahazavan’i Madagasikara (FAIMA) hanomanana izany. Mila Raiamandreny mpitarika i Madagasikara, hamelom-panantenana azy, hampiray azy, hanentana azy, hanarina azy, hampandroso azy, hoy ny hafatra teny an-toerana. Olona matahotra an’Andriamanitra, mandala ny fahamarinana sy ny fifankatiavana ary manandratra avo ny hasin’ny firenena sy ny voninahitr’i Madagasikara no ilaintsika, hoy ny hafatra.

J. Mirija