Politique

Antenimieram-pirenena Hivory indray manomboka rahampitso

Politique
Alatsinainy 04 Mey 2015

Hiatrika ny fivoriana ara-potoana voalohany amin�ity taona ity manomboka rahampitso talata ireo solombavambahoakan�i Madagasikara, araka ny antso maika nataon�ny filohan�ny antenimieram-pirenena omaly alahady.

Nantsoina mba hanamora ny fahatongavan’ireo olom-boafidy eto an-drenivohitra ny zotram-pitaterana an-tanety sy ana habakabaka. Rahampitso talata 5 mey amin’ny 10 ora maraina moa no voatondro fa hanomboka amin’ny fomba ofisialy ity fotoam-pivoriana voalohan’ny parlemanta eny Tsimbazaza ity. Andrasana handalo eny ny politika ankapoben’ny fanjakana, ilay PND na politikam-pirenena ho amin’ny fampandrosoana izay fandaharanasan’izao fitondram-panjakana izao. Andrasan’ny maro koa anefa ny mety ho hevitr’ireo depiote taorian’ny fahavitan’ny dinika ho amin’ny fampihavanam-pirenena teny Ivato izay namoaka fehin-kevitra ny amin’ny tokony hanafoanana ny antenimieram-pirenena amin’izao fotoana ka hananganana ilay antenimieram-panorenana na « assemblée constituante ».Ny sabotsy hariva lasa teo ihany moa dia efa nilaza ny tsy fankasitrahany io mety ho fandravana ny antenimieram-pirenena io ny birao maharitra tarihan’ny filohany Jean Max Rakotomamonjy.

RTT