Politique

Ankolafy Ravalomanana Miaina tanteraka ao anaty fahanginana politika

Politique
Alarobia 08 Oktobra 2014

Taorian�ny fanambarana nataon�ny filoha teo aloha Marc Ravalomanana tetsy amin�ny Magro Behoririka ny tsy hanohanany intsony ny fitondrana Rajaonarimampianina dia fantatra izay tena hevitr�ireo milaza

ho mpanohana azy ankoatra ireo mpitarika tsy tapaka etsy amin’ny Magro Behoririka. Efa nambarantsika teto amin’ny gazety fa tsy ahazoam-baovao mihitsy ary nanova laharana finday ny minisitra hany solontena tokan’ny ankolafy ary mpitarika azy am-perinasa aza. Tsy misy mety hiloa-bava ireo solombavambahoaka sendra mandalo eny Tsimbazaza ka nanontaniana amin’izao fotoam-pialantsasatra parlemantera izao na ireo antsoina an-tariby koa aza. Nanara-dia izany koa ireo filohana antoko mpikambana ao anatin’ny ankolafy toy ny filohan’ny Mfm, Amf/3Fm ary Teza sy Tim ka nanipika fa fotoana mbola fandinihan-javatra izao fa tsy mbola fotoana tokony hitenenana. Mihodina isika fa mangina, hoy ny fandikana malalaka ny hoe : “Silence, on tourne”.