Politique

Andritsirebaka (Ben Laden Gasy) Mahatsiaro voafitaky ny fitondrana HVM ny vahoaka

Politique
Talata 23 Septambra 2014

Fahadisoam-panantenana miteraka hakiviana manoloana ny fahasahiranana misy. Ireo no ambetin-dresak'ireo vahoaka any amin'ny distrikan'i Tolagnaro isan'andro ary miompana amin'ny fitondrana mivaralila ankehitriny, hoy Andriatsirebaky fantatry ny maro ny amin�ny solon�anarana hoe Ben Laden Gasy' mpitarika ny Fikambanana Famizo (Faradofay Mitaky ny Zony).

Amin'ireo naneho ny heviny any amin'ireo kartie, tsy araka ny resaka sy ny kabary tamin'ny fampielezan-kevitra no iainana. Ny asan-dahalo mbola mihamafy, ny asan-jiolahy omaly tsy miova, ny afera boaderozy tsy misy fanafodiny, ny fanondranana jamala, jerem-potsiny. Na tera-bary aza ny hevitra, iompanan'ny lahadinika ombieny ny kobaka be loatra ataon’ ity fitondrana HVM ity. Ny lainga be nafafy ho amin ny fandraisana ireo mpampianatra FRAM ho mpiasam-panjakana. Ny ho fampidirana an-tsekoly maimaimpoana ireo mpianatra any amin'ny EPP. (Ireo tale-tsekoly mbola mitango 15 000 Ar isan-jaza. Ireo tale, tsy mandray mpianatra raha tsy mandoa saram-pisoratana anarana. Misy amin'ireo tale ireo no ratsy vava amin’ireo ray aman-dreny mampiana-jaza. Na nisy aza ny fahasahiranana nandritra ny fitondrana FAT, vao mainka nitombo avo roa na telo heny ny fijaliana amin izao lazaina fa fitondrana ara-dalàna izao, hoy hatrany i Ben Laden Gasy'. Tokony hieritreritra ary haneho firaisankina ireo mitonona ho tia tanindrazana hoy izy namarana ny fanehoan-keviny.