Politique

Andrimpanjakana Hanana solontena ao amin�ny CENI ?

Politique
Zoma 18 Septambra 2015

Mbola ao anatin�ny fandinihana tanteraka ny volavolan-dal�na momba ireo mpikambana handrafitra ny Vaomieram-pirenena mahaleotena misahana ny fifidianana, ny fahefana mpanatanteraka eo anivon�ny governemanta amin�izao fotoana izao

. Mirona betsaka mankany amin’ny fisian’ny solontenan’ireo firaisamonim-pirenena toy ireo holafitry ny mpanao gazety sy ny mpisolovava ny fifandresen-dahatra ankehitriny. Adihevitra tsy misy farany miaraka amin’ny fanakianana mavaivay nahazo ireo kaomisionina roa nifandimby nikarakara ireo fifidianana nifanesy teto Madagasikara kosa hatramin’izao moa ny resaka fiankinan-doha ara-pitantanana sy ny lafiny famatsiam-bola. Vaovao manaitra tsy nampoizina anefa ankehitriny ny mety hananan’ny Fiadidiana ny Repoblika sy ireo Antenimiera roa solontena ao anatin’io Ceni vaovao vinavinaina hatsangana mialoha ny senatorialy io, araka ny tsilian-tsofina re. Mandritra ny fifidianana kosa vao hosoloantena ao anatin’ny rafitra ireo antoko politika. Ezahina ho tena vitsy moa ireo mpikambana ialana amin’ny fandaniambola mihoapampana.

Ramano F.